ياشعبي حبيبي ياروحي يابيبي ياحاطك في جيبي يابن الحلال
ياشعبي ياشاطر ياجابر خواطر ياساكن مقابر وصابر وعال
ياواكل سمومك يابايع هدومك ياحامل همومك وشايل جبال
ياشعبي اللي نايم وسارح وهايم وفي الفقر عايم وحاله ده حال
احبك محشش مفرفش مطنش ودايخ مدروخ واخر انسطال
احبك مكبر دماغك مخدر ممشي امورك كده باتكال
واحب اللي ينصب واحب اللي يكدب واحب اللي ينهب ويسرق تلال
واحب اللي شايف وعارف وخايف وبالع لسانه وكاتم ماقال
واحب اللي قافل عيونه المغفل واحب البهايم واحب البغال
واحب اللي راضي واحب اللي فاضي واحب اللي عايز يربي العيال
واحب اللي يائس واحب اللي بائس واحب اللي محبط وشايف محال
واحبك تسافر وتبعد تهاجر وتبعت فلوسك دولار او ريال
واحبك تطبل تهلل تهبل عشان مطش كوره وفيلم ومقال
واحبك تأيد تعضض تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال
لكن لو تفكر تخطط تقرر تشغلي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها حجيبك لايمكن اسيبك وراح تبقى عبره وتصبح مثال
حبهدل جنابك واذل اللي جابك وحيكون عذابك ده فوق الاحتمال
وامرمط سعادتك واهزأ سيادتك واخلي كرامتك في حالة هزال
وتلبس قضيه وتصبح رزيه وباقي حياتك تعيش في انعزال
حتقبل ححبك حترفض حلبك حتطلع حتنزل حجيبلك جمااااال
نُشرت هذه الصفحة في Friday, December 4th, 2009 at 9:39 amو مصنفة ضمن حماقات, شعر و شعراء, فيديو, مصر.
جامدة جدا جدا
ا “كل سنه وانتم طيبين”
ازي كل ده في سيادة الريس واحنا مش عارفين
اللي احنا عارفين عن الريس[هاتف عمله/او كبينة تليفون]
كماقاله شهيد المغامره والمقامره صدام !..
وكمان حجيلكم جمال
ليه خلصت الرقاله في مصر ولا ايه ؟..
كان الله في عون الشعوب العربيه.
ووانعم بنا من شعب ربنا يدومنا لسيادته نعمة ويحفظنا من الزوال
قول آآآآآآمين
حسبي الله ونعم الوكيل
مرحب بك سامي. كنت أتصفح موقع أعاوده من حين لآخر goodreads.com ووجدت بروفايل لك ودلني على هذه القصيدة التي أعجبتني إعجاب لما فيها من موسيقى وقوة وصدق وخفة دم لا تفارق المصري أبداً. قصيدتك أكثر من ممتازة. أنت إنسان ممتاز.
إبراهيم
قصيدة رائعة … لأول مرة استمع للشعر الشعبي المصري …
كل التحايا والله يعين الشعوب العربية
]iده كلام فارغ طالع من انسان محبط واكيد مش مصرى ولا عاش فى مصر لانه متحامل جدا على على الالرئيس مبارك الى كل همه مصلحه شعبه وصمد فى وجه الدول الحاقده وهى من هدفها تدمير هذه الدوله الكبيره صاحبه اعرق واكبر تاريخ والزج بها فى ميادين الحروب عن طريق تحريض الشعب وجعلهم يسبون النظام والحكم زى ما احنا شيفين للتقليل من عزيمه الشباب واحباطهم والزمن سوف يظهر ويكشف هؤلاء
الباقي هو الله و الله أكبر
عيش أيامك و أنس الأمس و أوعى تعري أفاك للشمس حكمة قالها واحد مصري بيحكمه حسني مبارك
ربنا ينتقم من مبارك وحاشيته وأبنائه
أسأل الله العظيم أن أرى في مبارك مارايته في صدام
If you owe money to the IRS, will they take your stimulus money to be repaid?
What are some money saving tips that you use?
Are you a professional journalist? You write very well.
I read blogs on a similar topic, but i never visited your blog. I added it to favorites and i’ll be your constant reader.
قصيدة جيدة ودليل على الديمقراطية الحقيقية لان كل واحد يقدر يعبر عن نفسة وعن راية ودة بيحصل لاول مرة فى اى دولة عربية فى عصر مبارك اللى انت رغم اعجابى بالقصيدة تحاملت علية لان مش كل الناس شايفة مصر كدة انا واحد اتعلمت ببلاش واشتغلت الحمد للة يمكن مش كتير زيى بس هو دة الطبيعى ان الدولة مش هتشغل كل الناس واتمنى ان اختلاف رؤيتنا للرئيس لا يفسد للود قضية لان اختلاف رايك وراى هى دى الديمقراطية والحرية شكرااا
Very interesting and amusing subject. I read with great pleasure.